Op Zondagmiddag 22 Jannewarie hemme "De Stökkumse Blage" van De Leertrekkers de ni-je jeugdprins Wesley I (Meijer) met 'n prachtige pronkzitting geëerd. D'r zun spietig genog steeds minder blage in Stökkum. Maor die paar blage die d'r zun bleke oaver héél völ talent te beschikke, zo blek dén Zondag nog maor 's in 't Gildehuus.
Jeugdprins Wesley wed bi-jgestaon deur zien beide adjudante: Vriendinneke Caitlyn Römer en zuske Carmen Meijer. In zien mooie proklamasie verhaalde de ni-je jeugdprins o.a. oaver 't verzamele van batteri-je en olde elektrische apparate en koelkaste t.b.v. 't milieu. Ook trea-jt hij graag op as Discjockey, vandaor ook zien motto: "Daor zit muziek in!!"
'T buutprogramma begon met de groep Hupsakee. Zi-j brachte, begeleid op drums deur Luca Wissink, 'n dans van Kindere veur Kindere. Hupsakee bestond verder uut: Jill Verheij, Nora Wissink en Wende en Berber Hesseling. Buutreedner Tim v.d. Dorpel brach vervolges 'n zelfgeschreve buut: "Mien oma het gordiene veur eur computer. Die gebruuk ze um windows af te sluute!" Naodat Prins Wesley o.a. zien olders en opa uut Maassluis had geridderd wed 't programma vervolg met 'n dans op 't nummer "Sofia" gebrach deur Anouk Kraan, Leanne van Emden, Anouk en Sanne Jansen. Timo Verheij stond op de plenk as echte Samourai-krijger en kreg 't o.a. aan de stok met 'n vervealende vlieg. Prins Wesley nam aansluutend van de geleageheid gebruuk um 't 'koninklukke bezuuk' van dizze middag toe te spreake: Jeugdprins Timo van de Waskupen, Jeugdprins Matthijs van De Paverts en grote prins Sander I wedde deur 'm geridderd in de odde van de Stökkumse blage. Met 'n hippe dans ginge Loes te Dorsthorst en Lotte van Schriek vervolges met 't programma wiejer. 'T Olde Dreigestirn bestaonde uut Old Jeugdprins Dirk Seegers , zien adjudante en president Stijn Besselink, Anne Ruikes en Ties Peters hadde 'n carnavals-alfabet samegesteld veur de ni-je prins Wesley: "Niet zo'n saaie waor iedereen bi-j in slaop vilt, dat snappie wel... Nee, 'n moderne versie, niet te lang, maor lekker snel..." 'T slotaccoord van 't buutprogramma was veur 't koortje "Sing a Song." Zi-j brachtte tot grote verrassing veur Prins Wesley 'n lied oaver de prins. 'N prachtig lied dat de ni-je prins arg trots miek en waorbi-j 't publiek vroluk metzong. Bi-j Sing a Song zonge o.a. met de nog niet eerder genuumde: Daphne Raben, Isabel Polman, Julianne Polman, Tessa Arendsen en Yara Kleine.
Tijdens de finale wedde alle artieste nogmaols naor boave geroepe deur de prima leidende president Rik Krijgsman. Daornao mochte alle blage 't podium op en volgde d'r nog 'n gezellige after-party met muziek van DJ Niels. De Dansmarietjes ware: Quinty Derksen, Romy Loevering, Britt van Gorsel en Nikki Matthews. De Raod van 11 bestond uut: Timo Verheij, Diego te Winkel, Xiao Yan Giskes, Anouk Jansen, Sanne Jansen, Anouk Kraan, Leanne van Embden en Webin Huijsmans. Met dank aan de de Jeugdcommissie bestaonde uut Ilona Aalders, Miranda van Balveren en Jessica Meuleman en de steun van de vele vri-jwilligers.